"Inter" "Arsenal" himoyachisini sotib olmoqchi

"Inter" "Arsenal"ning ukrainalik himoyachisi Aleksandr Zinchenkoni sotib olish imkoniyatini ko‘rib chiqmoqda. Bu haqda "Todo fichajes" nashri xabar berdi.

Milanliklarga himoyachining xalqaro tajribaga va xilma-xillikka egaligi yoqadi. Italiya jamoasi o‘z tarkibini turli pozitsiyalarda o‘ynashi mumkin bo‘lgan futbolchilar bilan mustahkamlashga intiladi va ukrainalik futbolchi ushbu talabga juda mos keladi.

Zinchenkoning o‘zi ham faoliyatini boshqa ligada davom ettirish variantlarini ko‘rib chiqishga qarshi emas. U "Arsenal"da kam o‘ynaydi. "Inter" o‘z loyihasi bilan futbolchini jalb qilishi mumkin.

Ma’lumot uchun, ukrainalik futbolchining London klubi bilan amaldagi shartnomasi 2026 yilning yarmiga qadar mo‘ljallangan.