Italiya terma jamoasi bosh murabbiyi "Yuventus"ning qarorini qo‘llab-quvvatladi

"Skuadro Adzura" bosh murabbiyi Roberto Manchini "Yuventus"ning murabbiy almashuviga munosabat bildirdi:

"Men "Yuventus"ning Chempionlar Ligasini ushbu bosqichda tugatishini xayolimga ham keltirmagandim. Ha, Sarrining uslubi jamoaga to‘g‘ri kelmadi. Klub uchun og‘ir va talafotli yil bo‘ldi. 

Pirlo omadli. U boshidanoq eng zo‘r klubni boshqaradi. Ha, men ham yomon start olmaganman. Ammo mening qo‘limda "Yuve" emas, "Fiorentina" bo‘lgan. Andreada katta futbol bilimi mavjud. U uchun faoliyatidagi yangi sahifa ochilmoqda. Keling, unga omad tilaymiz", - deydi Manchini.