JCh-2022. AQSh Evropa jamoalariga qarshi yomon natija qayd etmoqda. Seriya 1950 yildan beri davom etyapti

Jahon chempionati 1-turidan o‘rin olgan bellashuvda "B" guruhi a’zolari AQSh hamda Uels 1:1 hisobida durang o‘ynadi.

Bu orqali amerikaliklar mundiallarda Evropa jamoalariga qarshi kechgan 10-o‘yinda ham g‘alaba qozona olmadi. Ular so‘nggi bor 1950 yilgi chempionatda Angliyani 1:0 hisobida mag‘lub etgandi.

Bu vaqt oralig‘ida okeanorti vakillari 5 bor durang o‘ynab, 5 marta imkoniyatni boy bergan. Qolaversa, AQSh Jahon chempionati doirasidagi Evropa jamoalariga qarshi so‘nggi 18 bahsda darvozasi daxlsizligini saqlab qololmagan.

Gregg Berxalter shogirdlari keyingi bellashuvni Angliyaga qarshi o‘tkazadi.