Kroos: "Muammo germaniyalik futbolchilarning jismoniy holatida emas..."

Germaniya terma jamoasining sobiq yarim himoyachisi Toni Kroos jamoaning jahon chempionatini tark etishi haqida fikr bildirdi.

Xabaringiz bor, nemislar turnirdagi yurishini guruh bosqichida to‘xtatdi. Yaponiya, Ispaniya va Kosta-Rika bilan bir kvartetdan joy olgan Flik shogirdlari so‘nggi tur natijalariga ko‘ra uchinchi o‘rinni egallashdi.

"Germaniyaning Jahon chempionati guruh bosqichida ketma-ket ikkinchi marta qolib ketishi alamli hol. Menimcha, muammo futbolchilarning jismoniy holatida emas, avtomatizm va barqarorlikning yo‘qligidan kelib chiqdi", — deydi Kroos Magenta TV telekanaliga bergan intervyusida.

Eslatib o‘tamiz, mavsum yakunida Kroos "Real" bilan shartnomasini yakunlaydi. Avvalroq futbolchi Evro-2020dan keyin xalqaro faoliyatini yakunlaganini ma’lum qilgan edi.