Kukurelyaning vaziyati bo‘yicha kutilmagan xulosalar

Mark Kukurelyaning qo‘l bilan o‘ynagan vaziyati UEFA tomonidan penaltiga tavsiya qilinmagan. 

Ispaniya va Germaniya terma jamoalari o‘rtasidagi (2:1) uchrashuvning bosh hakami Entoni Teylor germaniyalik yarim himoyachi Jamal Musialaning zarbasidan so‘ng to‘p himoyachi Mark Kukurelyaning qo‘liga tekkan epizodda qoida buzilishini aniqlamadi. 

"UEFA ko‘rsatmalariga ko‘ra, bu penalti emas. Sababi, Kukurelyaning qo‘li pastga, vertikal holatda tushgan va qo‘l tanaga yaqin bo‘lgan", - deb yozdi jurnalist Ben Jeykobs. 

"UEFAning Evro oldidagi brifingida to‘p qo‘lga tegishi masalalari bo‘yicha aniq misollar keltirilgan va bunday holatlarda penalti hisoblanmasligi kerakligi aytilgan. 

Qo‘l tanaga yaqin bo‘lib, vertikal holatda turgani bois bu vaziyatda penalti belgilanmasligi mumkin", - deb yozdi "ESPN" muxbiri Deyl Jonson.