Maradonaning mushtlashuvda yirtilgan kiyimi rekord narxda sotildi

Argentinalik hujumchi Diego Maradonaning futbol libosi "Matchday Football Auctions" kimoshdi savdosida 152 ming evroga sotildi, deb xabar beradi Mundo Deportivo.

Futbolka 123 ming evroga sotildi, ammo 23% komissiya tufayli uning haqiqiy narxi 152 ming evroni tashkil etdi. U Maradonaning kimoshdi savdosida sotilgan klub futbolkalari orasida eng qimmati bo‘ldi.

Ushbu futbolkada Maradona 1984-yilgi Ispaniya kubogi finalida "Barselona" safida o‘ynagan, o‘shanda ko‘k-anorranglilar Bilbaoning "Atletik" jamoasiga 0:1 hisobida mag‘lub bo‘lgan. O‘yindan so‘ng maydonda mushtlashuv boshlanib, futbolchining ekipirovkasi yirtilgan.

Lot tavsifida aytilishicha, futbolkani kiyim almashtirish xonasida kir yuvish uchun forma yig‘ayotgan klub xodimi topib olgan, u uni ta’mirlay olmagan va esdalik uchun qoldirgan. Yillar o‘tib, u futbolkani tanish erkakka sovg‘a qildi, keyin esa kiyim uning o‘g‘liga meros bo‘lib o‘tdi va u uni kimoshdi savdosiga qo‘ydi.

Maradona 2020 yilda 60 yoshida vafot etgan. Argentinalik futbolchi 1986-yilgi jahon chempioni hisoblanadi, u "Barselona" tarkibida Ispaniya kubogi va Superkubogini qo‘lga kiritgan. Italiyaning "Napoli" klubi bilan birgalikda u ikki karra Italiya chempioni, mamlakat kubogi, Superkubogi va UEFA kubogi sohibiga aylandi.