Mbappe afrikaliklardan yordam kutyapti
Kilinga "Oltin to‘p" kerak
Mbappe «Oltin toʻp» ovoz berishida afrikaliklar yordamiga umid qilmoqda
Madridning «Real» jamoasi hujumchisi Kilian Mbappe «Oltin toʻp» uchun ovoz berish jarayonida Afrika qitʼasi vakillarining qoʻllab-quvvatlashiga ishonayotganini maʼlum qildi.
«Bu munosabat hech qachon oʻzgarmagan – Afrikaga qachon borsam, doim menga boʻlgan muhabbatni juda kuchli his qilaman. Albatta, mening ildizlarim Afrika bilan bogʻliq ekani uchun, odamlar meni bu mukofot bilan chambarchas bogʻlayotgani men uchun juda yoqimli. Bu menga katta qadr. Ularga hammasi uchun minnatdorchilik bildiraman va umid qilamanki, “Oltin toʻp”ni qoʻlga kiritib, uni qay tarzda boʻlsa-da ularga bagʻishlashga muvaffaq boʻlaman», – dedi Mbappe.
Futbolchining otasi Kamerundan, onasi esa Aljirdan ekani maʼlum. «Oltin toʻp» uchun ovozlarning taxminan 20 foizi Afrikadagi jurnalistlar va mutaxassislarga toʻgʻri keladi.
Oʻtgan mavsumda Mbappe jahon chempionati – 2026ning ham, umuman butun turnirning ham eng yaxshi toʻpurariga aylandi, bu borada Miroslav Kloze va Lionel Messidan oʻtib ketdi. Shuningdek, fransuz hujumchi 2025/26 yildgi Chempionlar ligasi musobaqasining ham eng koʻp gol urgan futbolchisi boʻldi.
Shu bilan birga, Mbappe soʻnggi ikki yil ichida klub darajasida ham, terma jamoa bilan ham biror yirik sovrinni qoʻlga kirita olmadi.
Izohlar (0)