Mbappe Pele va Zidanning natijasini takrorladi

Frantsiya milliy terma jamoasi etakchisi Kilian Mbappe ishonchli o‘yini orqali bir qator mashhur futbolchilarning natijasini takrorlamoqda.

Gap shundaki, hujumchi ikkita mundial finalida gol urgan kamsonli o‘yinchilar safidan joy oldi. U 2018 yilda Xorvatiyaga bitta, JCh-2022ning hal qiluvchi bellashuvida Argentinaga uchta gol urgan.

Bundan natijani butun futbol tarixida bor-yo‘g‘i 5 futbolchi amalga oshirgan, xolos. Mbappedan tashqari braziliyaliklar - Vava (1958, 1962) hamda Pele (1958, 1970), germaniyalik Paul Braytner (1974, 1982) va frantsuz Zinedin Zidan (1998, 2006) ikkita JCh finalida gol urgan.

Kilian Qatar yashil maydonlarida 8 bor raqiblari postiga yo‘l topib, 2 marta jamoadoshlari goliga assistentlik qilgan.