MYu katta transferni hal qildi

Angliyaning "Manchester Yunayted" klubi "Brentford" bilan hujumchi Brayan Mbemo transferi bo‘yicha kelishuvga erishdi. Bu haqda The Athletic xabar berdi.

Manbaga ko‘ra, bir necha hafta davom etgan muzokaralardan so‘ng qiymati 71 mln funt (82,4 mln evro) gacha bo‘lgan bitim nihoyat imzolangan. U to‘rtta to‘lov bilan to‘lanadigan dastlabki 71 million funt sterling (75,4 million evro) va 6 million funt sterlingdan (7 million evro) ko‘p bo‘lmagan bonuslarni o‘z ichiga oladi. Mbemo barcha klublardan ko‘ra "Manchester Yunayted"ni afzal ko‘rdi, kamerunlik futbolchining transferi yakunlanish arafasida.

Angliya Premer-ligasining 2024/2025 yilgi mavsumida 25 yoshli Brayan Mbemo 38 ta o‘yinda maydonga tushib, 20 ta gol urdi va ettita golli uzatmani amalga oshirdi.