MYu o‘ta qimmat futbolchini transfer qilmoqchi

“Manchester Yunayted” rahbariyati “Valensiya” yarim himoyachisi Urosh Rachich transferini amalga oshirish bo‘yicha ish boshladi.

2018 yildan buyon “Valensiya” tizimida yurgan futbolchi uchun manchesterliklar 28 million funt sarflashni maqsad qilgan. Biroq, 22 yoshli serbiyalik futbolchining shartnomasida uni qo‘lga kiritmoqchi bo‘lgan jamoa 92 million funt miqdorida badal puli to‘lashi belgilangan.

Shunday bo‘lsa-da, “Manchester Yunayted” pandemiya davrida “Valensiya” yangi mavsumda debyut qilgan yosh tayanch yarim himoyachisini arzon narxga sotib yuborishiga ishonmoqda.