"Neftchi" bugun "Paxtakor" bilan o‘yinda muammoga uchrashi mumkin. Sababi...
Bugun O‘zbekiston Superligasida 15-tur uchrashuvlari davom ettiriladi. Kun doirasidan 3 ta o‘yin bo‘lib o‘tishi rejalashtirilgan.
Asosiy uchrashuv esa Toshkentda bo‘lib o‘tadi. Unda amaldagi chempion "Paxtakor" Farg‘onaning "Neftchi" klubini qabul qiladi. Bahs 20:00 da start oladi.
Ahamiyatlisi, "yo‘lbarslar"ning so‘nggi urilgan 4 golidan 3 tasini bitta futbolchi kiritgan. U "Navbahor"ga ko‘chib o‘tgan gruziyalik Toma Tabatadze hisoblanadi.
Toma "Nasaf" bilan o‘yinda dubl qayd etgan bo‘lsa, "Qizilqum" bilan kechgan 1:1 hisobida yakunlangan o‘yinda farg‘onaliklarning yagona golini urishga erishgandi. O‘tgan turdagi "Metallurg"ga qarshi bahsda esa yagona golni Abbos G‘ulomov kiritgandi.
Tabatadzening yo‘qligi "Neftchi" ziyoniga ishlaydimi yoki Farg‘ona klubi bu masalaga echim topa oladimi? Bu kabi savollarga bugun javob topib olamiz!



Fikrlar