Oʻzbekiston rasmаn Sindarovning FIDE reytingidagi triumfiga munosabat bildirdi

O‘zbekiston Yoshlar ishlari agentligi jahon shaxmat maydonida o‘zbekistonlik grossmeyster Javohir Sindarov qo‘lga kiritgan tarixiy yutuqqa munosabat bildirdi.

Agentlik ma’lumotiga ko‘ra, ilk bor o‘zbek shaxmati tarixida yurtdoshimiz jahonning klassik shaxmat bo‘yicha live-reytingda uchinchi pog‘onaga ko‘tarildi.

Ma’lum qilinishicha, AQSh chempionatida Fabiano Karuananing Endi Vudvordga mag‘lubiyatidan so‘ng Javohir Sindarovning ko‘rsatkichi 2782 reyting ballga yetdi va u dunyodagi eng kuchli uchta shaxmatchi qatoridan joy oldi.

Hozirgi paytda undan yuqori o‘rinlarda faqat Magnus Karlsen (2823) va Hikaru Nakamura (2792) joylashgani qayd etilgan. Bu haqida portal o‘zining UZChess media-loyihasida e’lon qilgan.

Eslatib o‘tamiz, Samarqandda o‘tkazilgan 46-Jahon shaxmat olimpiadasi–2026da ham Javohir Sindarov yorqin ishtirok etgan edi. U O‘zbekiston terma jamoasi tarkibida jamoaviy «oltin»ni qo‘lga kiritdi va FIDE versiyasiga ko‘ra musobaqaning eng yaxshi erkak shaxmatchisi sifatida e’tirof etilgan.