O'zbekiston tennischisi Pekinda ancha qiynaldi

Pekinda (Xitoy) oʻtayotgan WTA 1000 turnirida Oʻzbekiston nomidan ishtirok etayotgan Mariya Timofeeva musobaqaning ikkinchi bosqichida yaponiyaik Naomi Osakaga magʻlub boʻldi, deb xabar bermoqda Sports.kz.

WTA reytingida 17-oʻrinni egallab turgan Osaka jahon tasnifida 68-raqam ostida qayd etilgan Timofeevani uch setlik kurashda magʻlub etdi — 6:3, 3:6, 6:3. Uchrashuv ikki soatdan ortiq, aniqrogʻi, ikki soat toʻrt daqiqa davom etdi.

Timofeeva uchun bu musobaqa China Openning asosiy toʻridagi ilk ishtirok boʻldi. U birinchi bosqichda Chexiya vakili Darya Vidmanovani 6:3, 6:3 hisobida magʻlub etgan edi. Pekingacha Timofeeva Portda oʻtgan WTA 125 turnirda gʻolib chiqib, Xitoy poytaxtiga ketma-ket beshta gʻalaba seriyasi bilan yetib kelgandi.

Naomi Osaka endilikda uchinchi bosqichda chex tennischisi Sara Beylekka qarshi maydonga tushadi. Beylek avstraliyalik Meddison Inglisni 6:3, 7:5 hisobida magʻlub etib, keyingi bosqich yoʻllanmasini qoʻlga kiritgan.