O‘zbekiston terma jamoasi Eron bilan qiyin kechgan bahsda jangovar durangga imzo chekdi

Jahon chempionati saralash guruh bosqichining 8-turidagi bahs o‘z nihoyasiga etdi. 
 
Mazkur turda O‘zbekiston terma jamoasi Tehronda Eron bilan bahs olib borib, 2:2 hisobidagi durangga imzo chekdi. 
 
Uchrashuvning 16-daqiqasida Hojimat Erkinov hisobni ochgan bo‘lsa, 52-daqiqada "Inter" hujumchisi Taremi hisobni tenglashtirishga muvaffaq bo‘ldi. Oradan bir daqiqa o‘tib yosh yulduzimiz Abbosbek Fayzullev yana terma jamoamizni oldinga olib chiqdi. 83-daqiqada esa Mehdi Taremi dubl qayd etib, hisobni yana tenglashtirdi.

Ushbu muvaffqiyat orqali forslar Jahon chempionati yo‘llanmasini qo‘lga kiritdi.