O‘zbekistonning eng kuchli slalomchilar bellashdi

Poytaxtimizdagi Bo‘zsuv kanalida slalomda eshkak eshish bo‘yicha yakkalik, tezkorlik va jamoaviy yo‘nalishlar bo‘yicha mamlakat chempionati yakunlandi.

Musobaqada yurtimizning turli hududlaridan kelgan 200 nafarga yaqin eshkak eshuvchilar o‘zaro raqobatlashdi.

Chempionatning C1 kanoe slalom yo‘nalishi bo‘yicha Sherzod Qurbonov, Abubakr Bukanov va Asilbek Temurgaliev shohsupaga ko‘tarildi.

Shuningdek, K1 baydarka slalom yo‘nalishi bo‘yicha Jonibek Temurgaliev, Mustafo Matiboev va Barkamol Mirzahamdamov g‘olib va sovrindorlar qatoridan joy oldi.