Rasman! Shahboz Umarov "Ordabasi"dan ketdi

O‘zbekiston terma jamoasi futbolchisi Shahboz Umarov va "Ordabasi" klubidan ketdi. Bu haqda shimkentliklar matbuoti xabar berdi. 

"Rahmat, Shahboz! Shahboz Umarov shartnomasi muddati tugashi munosabati bilan klubni tark etdi. U “Ordabasi” safida 77ta o‘yin o‘tkazib, 7ta gol urgan va 7ta golga assistentlik qilgan.

Shoxga professional faoliyatida muvaffaqiyatlar tilab qolamiz", - deyiladi xabarda. 

Eslatib o‘tamiz, o‘tgan mavsumda Umarov "Ordabasi" bilan mamlakat chempioniga aylangan edi. O‘sha tarkibda Bobir Abdixoliqov ham bor edi.