“Real” futbolchisi uni qo‘yib yuborishni talab qilmoqda

Mavsum boshida “Real” asosiy tarkibida o‘ynash uchun ijaradan chaqirtirilgan Martin Edegor klub rahbariyatidan o‘zini qo‘yib yuborishni talab qilmoqda.

Iste’dodli yarim himoyachi qishki transferlar vaqtida ijara asosida boshqa jamoaga o‘tib ketishni rejalashtirmoqda. Chunki, u Zinedin Zidan jamoasida etarlicha o‘yin amaliyotiga ega bo‘lmayapti. Edegor yangi mavsumda barcha turnirlarda to‘qqiz marta maydonga tushib, atigi 367 daqiqa o‘ynadi.

"Qirollik klubi" yozgi transferlar vaqtida yangi o‘yinchi olmagani bois, Zinedin Zidan ijaradagi futbolchilar qatorida Edegorni ham asosiy jamoaga qaytargan edi.