"Real Madrid" Karvaxal o‘rniga boshqa futbolchi olmaydi

"Real Madrid" Daniel Karvaxal o‘rniga boshqa futbolchi sotib olishni reja qilmayabdi.

Eslatib o‘tamiz, himoyachi avvalgi xafta "Vilyarreal" bilan o‘yinda jiddiy jarohat olgan edi. Uning tiklanishi uchun kamida 8-10 oy vaqt talab etilishi tasdiqlandi.

Jurnalist Xose Luis Sanchesning ta’kidlashicha, madridliklar Karvaxal o‘rniga boshqa bir qanot futbolchisi harid qilishni reja qilayotgani yo‘q. 

"Agar ularda yana bir fors-major holati yuzaga kelmasa, yangi futbolchi bilan shartnoma imzolash imkoniyatini ko‘rib chiqmaydilar. Madrid klubining aniq rejasi mavjud. Ular Lukas Vaskesga to‘liq ishonmoqdalar", - dedi jurnalist.