Asosiy mazmunga oʻtish
Futbol

“Real” Mbappening terma jamoada o‘ynashiga qarshi

Zohir Toshxo'jayev
Izohlar: 0

Vaziyat chigallashib bormoqda

Ispaniya chempionatining ettinchi turida Kilian Mbappe “Vilyarreal”ga qarshi uchrashuvda gol urib, jamoasining 3:1 hisobidagi g‘alabasiga katta hissa qo‘shgan edi.

Biroq frantsiyalik futbolchi 81-daqiqada to‘p kiritganidan ikki daqiqa o‘tib, maydonni tark etishga majbur bo‘ldi. Mbappe mushagida og‘riq sezgani bois zaxiraga olingan.

Shunga qaramay, Kilian Frantsiya terma jamoasining oktyabr oyidagi yig‘iniga yo‘l oladigan bo‘lyapti.

L'Equipe nashrining yozishicha, Mbappe o‘ng to‘pig‘idagi jarohatini og‘irlashtirib olgani tufayli Madrid klub rahbariyati hujumchining poytaxtda qolishini istayapti.

Frantsiya terma jamoasi 2026 yilgi jahon chempionatining mintaqaviy saralash turnirida 10 oktyabr kuni Ozarbaydon futbolchilarini qabul qiladi. Uch kundan keyin frantsiyaliklar safarda Islandiya terma jamoasi bilan kuch sinashadi.

Ulashish
SPORTS.uz'ning Instagram'dagi sahifasiga qo‘shiling!

Izohlar (0)

Hozircha izohlar yo'q