“Real” taklifini rad etgan vunderkind MYuga yo‘l oldi

“Real” tarbiyalanuvchisi Alvaro Fernandesh Madrid klubi bilan yangi shartnoma tuzishni istamadi va Angliyaga ko‘chib o‘tishga qaror qildi.

Sulsher jamoasi 17 yoshli himoyachini klub bilan to‘rt yillik bitim imzolashga ko‘ndirib, shaxsiy shartnoma shartlarini kelishib oldi. Fernandesh erkin agent maqomida bo‘lgani uchun “Manchester Yunayted”ga bepul qo‘shiladi.

Endi “Manchester Yunayted”da ikkita Fernandesh to‘p suradi. Portugaliyalik Brunu Fernandesh joriy mavsumda jamoaga juda katta foyda keltiryapti. Klubdagilar ikkinchi Fernandeshga ham katta umid bog‘lamoqda.