“Real”ni tanlab xato qildim

Xabi Alonso qo‘l ostida kutilganidan kamroq rol o‘ynagan “Real”ning ushbu futbolchisi klubda baxtli emas.

Trent Aleksandr-Arnold o‘z mashhurligi keskin tushib ketgan bir necha oydan so‘ng, “Real”da kutilmagan stsenariyga duch keldi. Angliyalik himoyachi”Liverpul”dagi yulduzli onlaridan keyin Madridga asosiy tarkibning asosiy figurasi sifatida kelgan edi, ammo ichki raqobat uni ikkinchi darajali rolga siqib chiqardi.

Madridliklar bu futbolchini olishdan avval uni o‘ng qanot himoyachisi pozitsiyasida hujumkor variantni ta’minlaydi muhim figura sifatida qabul qilgandi. Biroq Trent Ispaniyadagi debyut mavsumidayoq Dani Karvaxal va Fede Valverde soyasida qolib ketmoqda.

“Real”da o‘yin vaqtining etishmasligi uning o‘ziga bo‘lgan ishonchiga ta’sir qilmoqda, bu esa “Liverpul”da hal qiluvchi rol o‘ynashga o‘rgangan futbolchi uchun salbiy omil hisoblanadi.

O‘z navbatida, Angliyada Trent Aleksandr-Arnold bilan bog‘liq vaziyat bo‘yicha xavotir kuchaya boshladi. Shu bois, uning kelasi yil yozda bo‘ladigan jahon chempionatidagi ishtirok katta so‘roq ostida qolyapti.

Tomas Tuxel har qaysi o‘yinchi qanchalar iste’dodli bo‘lmasin, klubda muntazam o‘yin amaliyotiga ega bo‘lishi va jahon chempionatigacha yuqori sport formasini saqlab qolishini birinchi o‘ringa qo‘yishini barchaga ma’lum qildi.

Shundan kelib chiqib, Trent murakkab vaziyatga tushib qolgan. Uning yaqinlari himoyachi “Liverpul” bilan shartnomani uzaytirmay, Madrid klubi tanlaganidan pushaymon bo‘la boshlaganini aytishyapti.