Rosenyor barcha mas'uliyatni zimmasiga oldi: "Chelsi" og‘ir davrni boshdan kechirmoqda

Liam Rosenyor "Chelsi"ning soʻnggi natijalari haqida fikr bildirdi. Jamoa barcha musobaqalar doirasida oʻtgan yetti uchrashuvning olti tasida magʻlubiyatga uchradi.

– Mening ishim — masʼuliyatni oʻz zimmamga olish. Barcha aybni oʻzimga olaman. Oʻyinchilarni tashqi tanqiddan himoya qilmoqchiman. Bu davrdan yanada kuchliroq chiqishimizga ishonaman, ammo hozir barchasini toʻgʻri qilishimiz kerak, – dedi murabbiy. Uning soʻzlarini esa Fabrizio Romano keltirdi.

33 turdan soʻng "aristokratlar" Angliya Premier-ligasi jadvalida 48 ochko bilan oltinchi oʻrinni egallab turibdi. Rosenyor jamoasi chempionatda soʻnggi toʻrt uchrashuvdan beri gol ura olmayapti.