Samira Shokirova jahon kubogi sovrindori

Xabaringiz bor, qilichbozlik bo‘yicha O‘zbekiston terma jamoasi a’zolari U20 yosh toifasida Kolumbiya mezbonligidagi jahon kubogida ishtirok etdi.

Bogota shahrida tashkil etilgan mazkur nufuzli musobaqaning sablya yo‘nalishi bo‘yicha yakkalik bahsida hamyurtimiz Samira Shokirova bronza medaliga sazovor bo‘ldi.

Jahon kubogining oltin medali Xuan Gabriela Maria Linga (Puerto-Riko) nasib etgan bo‘lsa, Vanessa Chavez (Meksika) kumush medali bilan taqdirlandi.