Shahram G‘iyosov uchun yangi vazndagi chempionlar jang oldidan taroziga chiqdi, 3 kamar birlashtiriladi (video)

Professional boksning yarim o‘rta vazn toifasida (66,6 kg) WBC va IBF kamarlari egasi Errol Spens yakshanba tongida bo‘lib o‘tadigan boks oqshomida WBA chempioni Yordenis Ugas bilan 3 ta kamarlar birlashtiruvchi jangida ringga ko‘tariladi. Ushbu bahs oldidan vazn o‘lchash va "face to face" marosimi bo‘lib o‘tdi. Unga ko‘ra, Errol Spens 66,33 kg, Yordenis Ugas 66,56 kg tosh bosdi. 

Eslatib o‘tamiz, IBF kamariga mag‘lubiyatdan oldin Qudratillo Abduqahhorov da’vogar edi. Shuningdek, yana bir bokschimiz Shahram G‘iyosov ham 7 may kuni aynan shu vaznga ko‘targan holda jang o‘tkazadi.