Shomurodov uchun zo‘r imkoniyat. Yoxud Jeko "Roma"dan ketmoqda

“Roma” hujumchisi Edin Jeko “Inter”ga o‘tishga juda yaqin turibdi.

Italiyalik jurnalist-insayder Nikolo Skiraning xabar berishicha, 35 yoshli bosniyalik futbolchi “neradzurrilar” bilan 2 yillik shartnoma bo‘yicha kelishuvga erishgan.

Eslatib o‘tamiz, bundan avvalroq “Inter” belgiyalik hujumchi Romelu Lukakuni 115 mln evro evaziga “Chelsi”ga sotishi haqida xabarlar tarqalgan edi.

Jeko o‘tgan mavsum “Roma” safida A Seriyada 27 ta o‘yinda maydonga tushdi va 10 ta gol urishga erishdi.

Jekoning “Roma”dan ketishi yaqinda jamoaga kelib qo‘shilgan hamyurtimiz Eldor Shomurodovga asosiy tarkibdan joy olish uchun yaxshi imkoniyat bo‘lishi mumkin.