Slot Salohning o‘rniga sobiq shogirtini olib kelmoqchi

"Liverpul" yozgi transfer oynasi arafasida "Brayton"ning gambiyalik hujumchisi Yakuba Minteni sotib olish uchun dastlabki so‘rov yubordi. Africa Foot nashrining xabar berishicha, mersisaydliklar hujumchi Muhammad Saloҳ klubni tark etgandan so‘ng Gambia terma jamoasi futbolchisining hujumini kuchaytirish imkoniyatini ko‘rib chiqmoqda.

Ma’lum qilinishicha, 21 yoshli vinger anchadan buyon "Liverpul" e’tiborida. "Brayton"dagi yana bir muvaffaqiyatli mavsumdan so‘ng unga bo‘lgan qiziqish kuchaydi. "Liverpul"ning qiziqishini kuchaytiruvchi yana bir omil - Mintening bosh murabbiy Arne Slot bilan munosabatlari bo‘lib, u "Feyenoord"da birga ishlagan vaqtlaridan beri qanot hujumchisining o‘yin uslubi va salohiyatiga qoyil qolgan.

Muzokaralar dastlabki bosqichda, hali rasmiy taklif berilmagan. Mintening "Brayton" bilan shartnomasi 2029 yilning iyunigacha amal qiladi, bu esa klubni kuchli muzokara pozitsiyasiga qo‘yadi. Transfermarkt ma’lumotlariga ko‘ra, gambiyalik futbolchining bozor qiymati taxminan 40 million yevroga baholanmoqda.