"Strandja" turniri. Ummataliyev va Aliev o‘z yurishini davom ettiradi, Arman Mahanov uchun musobaqa yakunlandi

Xabaringiz bor, Bolgariyaning Sofiya shahrida an’anaviy 77 "Strandja" xalqaro turniri o‘tkazilmoqda.

Hamyurtimiz Javohir Ummataliyev -80 kg vazn toifasida o‘zining 2-jangini braziliyalik Santos Dos Beliniga qarshi o‘tkazdi. Raqib bor imkoniyatini ishga solgan bo‘lsa-da, Javohir yakunda 4:0 hisobida g‘alabaga erishdi.

-90 kg vazndagi umidli bokschimiz Arman Mahanov ham ilk jangini o‘tkazdi. U angliyalik Damar Tomasga qarshi ringga ko‘tarildi. Jang juda qiziqarli va shiddatli tus oldi. Mahanov aslo bo‘sh kelmadi. Ammo, hakamlar angliyalik bokschini g‘alabasini e’tirof etishdi. Hisob 0:5 ko‘rinish oldi.

+90 kg vazndagi vakilimiz Ozodbek Aliev ringga ko‘tarildi. U turkmanistonlik Dovlet Islomovga qarshi bahs yuritdi. Butun jang mobaynida o‘z ustunligini namoyish etgan Aliev yakunda 5:0 hisobida zafar quchdi.

Bu haqida O‘zbekiston boks federatsiyasi xabar bermoqda.