Sulsher MYuni yulduzlar jamoasiga aylantirmoqda

“Ayaks” yarim himoyachisi Donni van de Bekning “Manchester Yunayted”ga transferi muvaffaqiyatli amalga oshirildi.

Amsterdamliklar inglizlarning 40 million evrolik taklifini qabul qildi va futbolchining o‘yiniga qarab qo‘shimcha bonuslar ham oladigan bo‘ldi.

Donni van de Bek hafta davomida Angliyaga keladi va tibbiy ko‘rikdan o‘tganidan keyin yangi jamoasi bilan besh yillik shartnoma imzolaydi. 23 yoshli yarim himoyachisiga “Barselona” ham da’vogarlik qilgandi. Biroq, keyinchalik kataloniyaliklar niderladiyalik futbolchini olish fikridan qaytdi.