Terma jamoalarimiz yig‘inni boshladi

Kattalar o‘rtasidagi O‘zbekiston chempionati yakunlanishi bilanoq terma jamoalarimiz yig‘inni boshlashdi.

Elshod Rasulov boshchiligidagi ayollar milliy terma jamoamiz 2-20 fevral kunlari Toshkent viloyatida joylashgan "Yangiobod sport bazasi"da o‘quv-mashg‘ulot yig‘inini olib borishadi. Oldinda muhim musobaqalardan jamoamiz uchun Serbiyada bo‘lib o‘tadigan ayollar o‘rtasidagi Jahon chempionati bor.

Erkaklar terma jamoamiz ham, ertadan 5-21 fevral kunlari Yangiobodda mashg‘ulotlarni boshlashadi.  Ularni oldinda kichik jahon chempionati maqomi ostida o‘tkaziladigan "Strandja" xalqaro turniri kutib turibdi.

Bu haqda O‘zbekiston boks federatsiyasi xabar bermoqda.