"Uimbldon". 20 yoshli Alkaras qariyb 5 soat davom etgan finalda Jokovichni mag‘lub etdi

Tennis bo‘yicha "Katta dubulg‘a" turkumiga kiruvchi "Uimbldon" musobaqasining erkaklar o‘rtasidagi bahslarida final uchrashuvi bo‘lib o‘tdi.

Unda tajribali Novak Jokovich hamda tobora yorqinroq porlayotgan Karlos Alkarasga qarshi kortga chiqdi. 4 soatu 42 daqiqa davom etgan bahs ispaniyalik raketka ustasining 5 setdagi dramatik g‘alabasi bilan yakunlandi, 1:6, 7:6(8:6), 6:1, 3:6, 6:4.

Shu tariqa, 20 yoshli ispaniyalik tennischi faoliyati davomidagi ikkinchi "Ulkan toj"ini qo‘lga kiritdi. U bundan avval 2022 yilgi Amerika ochiq chempionatida zafar quchgandi.