Каннаваро Ўзбекистон термасини бошқараётганига эътироз бўлди! Фанатлар бошқа фикрда

Қозоғистон медиа маконида италиялик Фабио Каннаваронинг Ўзбекистон миллий терма жамоаси бош мураббийи бўлгани муҳокама қилинди. Хусусан, Qsport нашри ўзининг ютуб-каналида бу мавзу бўйича ўз позицияга оид  видео контент жойлади.

- Фабио Каннаваро — Ўзбекистон миллий терма жамоасининг янги бош мураббийи. У жаҳон чемпиони, афсона.

Жамоа қаерга кетаётганини ангаш учун, қаердан йўлга чиққанини эсга олиш даркор.  Энг асосий ва мураккаб ишни Сречко Катанец амалга оширди. Айнан у жамоани қурди ва саралашнинг катта қисмидан ўтди.

Катанец кетганидан кейин Тимур Кападзе масъулиятни ўз зиммасига олиб, ишни охирига етказди ва Ўзбекистонни тарихда илк бор жаҳон чемпионатига олиб чиқди.

Мана энди терма жамоа бошқаруви жаҳон футболида ном қозонган, ҳамманинг эътиборида бўлган юлдуз Каннаварога ўтди.

Лекин, наҳотки кимдир, биргина жаҳон чемпиони Ўзбекистонга автоматик тарзда совринлар олиб беришига ишонаётган бўлса?, - дейди Qsport ютуб-канали муаллифи.

Sports.uz портали бу видеога қолдирилган изоҳлардан айримларини ўзбекистонлик футбол ишқибозлари эътиборига ҳавола этишни маълум топди.

 @FS.Samgor80:

Ўзбек футболи ҳали жаҳонга нималарга қодирлигини кўрсатади. Омад тилайман. Тожикистондан салом.

@АлтайТагаев:

Ўзбекларга офарин. Улар учун хурсандман. Борини бериб ўйнашларига аминман. Қозоғистон сизларга мухлислик қилади.

@bekboss2697:

Ўзбекистон футболда ҳам боксдаги натижа кўрсатиши керак.

@Turan513:

Ўзбекистон футбол федерацияси ҳаммаси тўғри қилаётганига умид билдираман. Ҳар қандай вазиятда ҳам ўзбек қардошларимизга мухлислик қиламиз. Қозоғитондан салом.

@СанназарЖанайбаев:

Ҳаммаси тўғри, мана кимни таклиф қилиш керак, қандайдир черчесовлардан кўра...

@Jagermeister40:

Ўзбекистон қандай футбол ўйнаш бўйича ҳаммага ўрнак. Ўзбекистонни жаҳон чемпионати финал қисмида кутамиз...

@BossHugo-p7i:

Хуллас, орқага йўл йўқ, энди фақат ишлаш керак. Олдинга қараш керак. Каннаваро ҳам аҳмоқ эмас, ҳар ҳолда маҳорати бор, “Олтин тўп”ни бежиз олмаган. Ёмонлашни бас қилинг. Каннаварога омад тилаймиз. Ўзбекистон биринчи жаҳон чемпионатидаёқ кичик бўлса-да, сенсация кўтаришини кутамиз.

@AlisherSaidov-j5z:

Ўзбекистон Каннаваросиз ҳам чемпион. Фабио Ўзбкистонга палов еб, жамоа қандай ўйнашини томоша қилиш учун келган.

@АрнурМусаинов:

Фабио Конноваро ажойиб инсон ва зўр футболчи. Ўзбекистон терма жамоасини узоққа олиб боришига ишонаман.

@Ilxanxanov:

Бу ерда муҳим бир гап бор – Ўзбекистон 2026 йилги жаҳон чемпионатига чиққан!

@Amir_1-l2d:

Ўзбекистон мундиалда битта ўйинда ютса ҳам катта муваффақият бўлади.

@ErmekSheralin:

Муаллиф қанақа совринлар ҳақида гапиряпти? Ҳамма гап мундиалда муносиб иштирок этишда. Ҳеч бўлмаса, гуруҳдан чиқиш керак.

@Ganiev1970:

Нега бош мураббийлар фамилияси “Ка, Ка, Ка”дан бошланган.

Катанец. Кападзе, Каннаваро.

Наҳотки улардан кейин Кака келса?!

@ДенисКозлов-ж8я:

Мен буни хато, деб биламан. Канавваросиз ҳам жаҳон чемпионатига чиқишдику.

@Drb-football:

Ўзбекистон керакли очколарни олиб, плей-оффга чиқишига умид қиламиз.

@LiverpoolLiverpool-ks3hp:

Каннаваронинг бош мураббий бўлгани Ўзбекистонни чемпион қилади, деб ўйламанглар. Ҳозирги футболда жамоа муваффақиятининг ўн фоизи мураббийга боғлиқ, қолган ҳамма ишни майдондаги ўйинчилар қилади.

@МануальнаятерапияШымкент:

Кападзенинг нимаси ёқмади?

@Nurtas-o1w:

Саломат бўлинглар ўзбеклар! Насиб қилса, финалга чиқинглар...

@БАТЕР_06:

Нима бўлган тақдирдаям Ўзбекистон мундиалга чиқди ва нималарга қодирлигини кўрсатди. Буёғига нима бўлишини вақт кўрсатади.

Гвардиола Ҳусановни таркибдан чиқарди!

Мбаппе Шомуродовнинг ўйинларини кузатяптими?

“Манчестер Сити”нинг Ҳусанов бўйича якуний қарори маълум бўлди