Англиянинг тўртта клубига "Бавария" юлдузи керак

Канада терма жамоаси ва мюнхенлик «Бавария»нинг тезкор фланг ҳимоячиси Альфонсо Дэвисга Англия премьер-лигасининг бир нечта етакчи клублари жиддий қизиқиш билдирмоқда. 

Бу ҳақда инсайдер Экрем Конур ижтимоий тармоқларда хабар тарқатди.

Маълумотларга кўра, Дэвис учун бир вақтнинг ўзида тўрт клуб курашга тайёр. Унга «Манчестер Юнайтед», «Манчестер Сити», «Ливерпуль» ва Лондоннинг «Арсенал» жамоалари назар ташламоқда.

Аввалроқ канадалик футболчига Испаниянинг икки гранди — мадридлик «Реал» ва каталониялик «Барселона» ҳам қизиқаяётгани ҳақида хабарлар тарқалган эди.

Манбаларга кўра, Дэвиснинг эҳтимолий трансфери 45 миллион евро атрофида баҳоланмоқда. Ҳозирги пайтда ҳимоячининг «Бавария» билан амалдаги шартномаси 2030 йилнинг ўрталаригача мўлжалланган.