"Арсенал" Артета билан ҳамкорликни узайтирмоқчи

"Арсенал" клуби раҳбарияти жамоа бош мураббийи Микель Артета билан ҳамкорликни давом эттириш ва янги шартнома тузишни истамоқда. Бу ҳақда "BBC" журналистлари хабар берди.

Манбага кўра, Лондон клуби испаниялик мутахассис билан янги келишув бўйича музокаралар ўтказган. Микель Артета 2019 йилдан буён "Арсенал" жамоасини бошқариб келмоқда.

Амалдаги шартнома 2027 йил июнь ойи охирида якунланади. Шу боис, клуб унинг фаолиятини узайтиришни режалаштирмоқда.

Жорий мавсумда "Арсенал" Англия Премьер-лигаси турнир жадвалида етакчилик қилмоқда. Шунингдек, Чемпионлар лигаси мусобақасида Лондон жамоаси чорак финалга чиқиб, биринчи ўйинда "Спортинг" устидан 1:0 ҳисобида минимал ғалаба қозонди.