"Барса": Бирортанг қайтиб келма!

Қаторасига иккинчи марта Испания чемпионлигига яқинлашиб келаётган “Барселона” бошқа  жамоаларда ижара асосида ўйнаётган барча футболчилар бўйича бир қарорга келди.

Каталония гранди асосий таркибга кира олмаган бир неча футболчиларини бошқа клубларга ижарага берган эди. Хусусан, тажрибали дарвозабон Марк-Андре тер Штеген “Жирона”га, Ансу Фати “Монако”га, Арон Якобишвили “Андорра”га, Иньяки Пенья ва Эктор Форт “Эльче”га юборилган.

Diario Sport нашрининг маълум қилишича, Ханс-Дитер Флик бошчилигидаги мураббийлар штаби бу футболчиларни келаси мавсум режасига киритмаган.

Деку раҳбарлигидаги спорт бўлими, беш нафар ўйинчи ижара муддати тугаб, клубга қайтганидан кейин уларни сотиб юбориш учун трансферга қўяди ва тушадиган таклифларни ўрганиб чқади.

Ҳозирча, “Барса” ўйинчиларини ижарага олган клублар ўртасида фақатгина “Монако” ҳужумкор футболчи Ансу Фатини тўлиқ трансфер қилиш пунктини фаоллаштирмоқчи эканини билдирган. Қолган футболчиларга жамоа топиш талаб этилади.