"Бавария"нинг америкалик ҳимоячиси Крис Ричардс янги мавсумни "Хоффенхайм"да ўтказади. Бу ҳақда клуб расмий сайти хабар тарқатмоқда.

Юқоридаги манбага кўра, "Хоффенхайм" 21 ёшли футболчини 2022 йилнинг ёзига қадар кейинчалик сотиб олиш ҳуқуқисиз ижарага олган.

Таъкидлаш керакки, Ричардс ўтган мавсумни ҳам айнан “Хоффенхайм” таркибида ижарада ўтказган эди. У 13 та ўйинда иштирок этган ва 1 та голга ассистентлик қилган.

Крис Ричарс 2018 йилдан буён "Бавария" футболчиси ҳисобланади. У шу кунгача мюнхенликларнинг асосий жамоасида 10 та ўйинда майдонга тушган ва 1 та голга ассистентлик қилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар