"Dinamo" Samarqandda tayyorgarlikni boshladi

30 iyundan 11 iyulga qadar Qirgʻizistonda oʻquv-mashgʻulot yigʻini oʻtkazgan «Dinamo» jamoasi bugun, 13 iyuldan soʻnggi tayyorgarlik jarayonini Samarqandda boshladi.

Vadim Abramov bosh murabbiyligidagi jamoa bugundan Superliga 12-turi doirasidagi «Qizilqum»ga qarshi oʻyinga soʻnggi tayyorgarlikka kirishadi. Samarqandliklar toʻliq tarkibda yigʻiladi va bugungi mashgʻulot jarayoni Charxin qoʻrgʻonidagi «Dinamo» futbol maktabi maydonida oʻtishi rejalashtirilgan.

Eslatib oʻtamiz, «Dinamo» 18 iyul kuni Navoiyda «Qizilqum» mehmoni boʻladi.