Жейк Пол Энтони Жошуа билан жангдан кейин яна бир бор жағини операция қилдирди

Америкалик боксчи-блогер Жейк Пол собиқ жаҳон чемпиони Энтони Жошуага қарши жангда синган жағи сабаб яна бир бор операция қилинди. Унинг айтишича, асоратлар туфайли такрорий жарроҳлик амалиётига эҳтиёж туғилган.

"Жағимни яна операция қилишга тўғри келди. Маълум бўлишича, винтлар ва пластиналар бўшаша бошлабди, охирги икки ой давомида ўзимга умуман дам бермаган эканман", — деб ёзди Пол ижтимоий тармоқдаги саҳифасида.

Эслатиб ўтамиз, ўтган йили АҚШда бўлиб ўтган баҳсда Жошуа олтинчи раундда Жейк Полни нокаутга учратган ва жангдан кейин америкалик жағи икки жойидан сингани маълум қилганди.

Ғиёсиддин Уралов тайёрлади