Мбаппе “Реал”га қайтаришни истайдиган уч суперфутболчини айтди

Мадриднинг “Реал” клуби ҳужумчиси Килиан Мбаппедан шундай имкон бўлганида қайси футболчиларни “Қироллик клуби” таркибига қайтарган бўлишини сўрашди.

- Агар улар қайтиши мумкин бўлганида Криштиану Роналду, Зинедин Зидан ёки Роналдони танлаган бўлардим.

Криштиану қайтиши мумкин эди. Зизу ҳали ҳам вақти-вақти билан ўйнайди. Роналдога келсак... унинг маҳорати ҳеч қачон сўнмайди. Улар – “Реал” афсоналари. Улар клуб учун жуда кўп иш қилишган ва ҳозир ҳам мадридлик мухлисларда улкан ҳурмат уйғотишади, - дея Мбаппенинг сўзларини AS нашри келтиради.

Жорий мавсумда Мбаппе барча турнирларда еттита учрашувда иштирок этиб, саккизта гол урди ва иккита голли узатма амалга оширди. Футболчининг клуб билан амалдаги шартномаси 2029 йил ёзигача мўлжалланган. Transfermarkt портали маълумотларига кўра, футболчининг бозор қиймати 200 миллион еврони ташкил этади.