"Навбаҳор" "БОМБА" трансферни амалга ошириши мумкин. Бу футболчини наманганлик мухлислар анчадан бери кутади
Мавсум якунланганидан сўнг клублар ўз таркибларига янги футболчиларни қўшиб олишни бошлаб юборди. 6 декабрдан 26 февралга қадар қишки трансферлар ойнаси очиқ бўлади.
Ушбу муддат оралиғида "Навбаҳор" таркибида катта ўзгаришлар юзага келиши мумкин. Бир неча кундан бери "лочинлар" қизиқаётган футболчилар ҳақида хабар бергандик.
SPORTS.uz сайтига маълум бўлишича, "Навбаҳор" Одил Аҳмедовни ўз сафига қўшиб олиши мумкин. Бунинг учун терма жамоанинг собиқ сардори Хитойдаги фаолиятига ойдинлик киритиб олиши керак бўлади. Шунда наманганликлар раҳбарияти Аҳмедов билан музокарага киришади.
Эслатиб ўтамиз, Одил Аҳмедов Хитойнинг "Цанчжоу Майти Лайонс" клуби шарафини ҳимоя қилмоқда.
Фикрлар