Туркия Суперлигаси. "Ризеспор" минимал ҳисобда зафар қучди. Ҳусниддин Алиқулов эса жароҳат олди

Туркия Суперлигасининг 5-туридан ўрин олган "Ризеспор" - "Генчлербирлиги" жамоалари ўртасидаги беллашувда майдон эгалари 1:0 ҳисобида муваффақиятга эришди. 
 
Ҳамюртимиз Ҳусниддин Алиқулов 90+2-дақиқада жароҳат олиб, захира ўриндиғига олинди. Унинг жароҳати қанчалик жиддийлиги эса дастлабки текширув натижаларидан сўнг маълум бўлади. 
 
3 очко тақдим этилган голга эса 90+3-дақиқада Эмреджан Булут муаллифлик қилди.