Маскерано Аргентинага қайтишни истамоқда

Испаниянинг “Барселона” клуби собиқ ярим ҳимоячиси Хавьер Маскерано Хитой чемпионатини тарк этиб, “Ривер Плейт”га қайтиши мумкин.

Football-Espana нашри тарқатган хабарга кўра, 33 ёшли футболчи фаолиятини Аргентинанинг “Ривер Плейт” жамоасида давом эттирмоқчи. У бу жамоада 2003-2005 йилларда тўп сурган.

Эслатиб ўатмиз, Маскерано январда Хитойнинг “Хэбей Чайна Форчун” клуби билан шартнома имзолаган эди. Келишув 2020 йилгача мўлжалланган.

“Барселона”даги етти ярим йиллик фаолияти давомида Маскерано 334 та расмий учрашувда майдонга тушган ва 18 та совринга эга чиққан.