Нигоҳимизда Англия лига кубоги финали

Якшанба оқшомида Англияда мавсумдаги дастлабки турнир якунланди. Финалда, “Манчестер Юнайтед” хамда “Саутгемптон” жамоалари ўзаро баҳс олиб боришди. Қизиқарли тазрда кечган учрашувда тажриба ўз сўзини айтди ва “қизил иблислар” “авлиёлар”дан 3–2 ҳисобида устун келди. Биз эса, мазкур учрашувга алоқадор бўлган айрим факт ва статистикаларни эътиборингизга ҳавола этамиз.

Карло Анчелоттининг мураббийлик фаолиятидаги энг ёрқин 8 та баҳс

1. “Манчестер Юнайтед” ва “Саутгемтон” 120 бор ўзаро тўқнаш келишди. Натижалар эса қуйидагича кўриниш олган: 63 ғалаба “Юнайтед”да, 27 та “Саутгемптон”да ва 30 та ўйинда ғолиб номи аниқланмаган;

“ПСЖ”нинг қимматбаҳо сотувлари

2. “Юнайтед”нинг “авлиёлар” устидан қозонилган энг йирик ғалабаси – 6:1(2001 йил);

3. Ўз навбатида “Саутгемптон”нинг “қизил иблислар” устидан қозонган энг йирик ғалабаси эса – 6:3;

4. Мазкур финал Жозе Моуриньо учун тўртинчи Лига кубоги финали бўлди. Бундан олдинги 3 та финалда ҳам португалиялик мутахассиснинг жамоаси бош совринни қўлга киритган;

5. “Саутгемптон” сўнгги бор 1976 йилда соврин ютишга муваффақ бўлган(Англия кубоги). Айнан ўшанда “авлиёлар” “МЮ”ни 1–0 ҳисобида мағлуб этишнинг уддасидан чиққанлар;

Карло Анчелоттининг мураббийлик фаолиятига назар

6. Энди эътиборни бевосита ўйиндаги статистикага қаратамиз: Тўп назорати 52 % га 48 %(“Саутгемтон” фойдасига);

7. Бурчак зарбалари: 12 – 4(“Саутгемтон” фойдасига);

8. Тўп узатишлар сони: 483 – 471(“Саутгемтон” фойдасига);

9. Учрашувда “дубль”га эришган Златан Ибрагимович финалнинг энг яхши футболчиси деб топилди. Бундан олдин, “МЮ” сафида бундай номга Уэйн Руни(2006 йил) ва Бен Фостерлар(2009) сазовор бўлишган эди;

10.    Жозе Моуриньо Англия лига кубогида ғолиб чиқиш бўйича афсонавий Алекс Фергюсон ва Браян Клаф билан тенглашди(4 мартадан);

11.    “МЮ” эса сўнгги 10 ой ичида 3 та совринни қўлга киритди;

12. Энг қизиғи эса, ана шу 3 та финалнинг барчасида Жесси Лингард тўп киритган;

13. “Манкунианлар” дарвозабони Давид Де Хеа Англияда қўлга киритилиши мумкин бўлган барча совринларни қўлга киритиб бўлди(АПЛ, Англия кубоги, Англия лига кубоги ва Англия Суперкубоги);

14.  “Манчестер Юнайтед” Англиянинг энг совриндор жамоаси деган расмий номни олишга эришди. Боиси, куни кеча қўлга киритилган соврин “Юнайтед”нинг 42-титули эди. Бу борада эса “МЮ” 41 та соврини бор “Ливерпуль”дан ўзиб кетди;

15.    Қайд этиш жоиз, сўнгги 12 йилда “Ливерпуль” томонидан қўлга киритилган совринлардан, “МЮ”нинг сўнгги 10 ойда қўлга киритган титуллари кўпроқдир.

Европа лигаси ҳам қизиқарли ёхуд мазкур турнирда энг кўп мухлис тўплаган 5 ўйин

Шаҳзод Холбоев тайёрлади