Суперлига. "Пахтакор" - "Насаф": Ўзаро ўйинларда устунлик ким томонда?

Суперлига 24-тури марказий тўқнашувида "Пахтакор" "Насаф"га қарши Тошкентда ўйнайди.

Ҳар икки жамоа ўртасидаги тўқнашувлар охирги йилларда кескин ўтмоқда. Бу сафарги ўйин арафасида жамоалар чемпионлик учун курашни давом эттиришмоқда. "Шерлар" ғалабага эришган тақдирда 16-бор чемпионликни қўлга киритишади.

Беллашувлар тарихига назар ташлайдиган бўлсак, чемпионатларда жамоалар жами 53 марта ўзаро баҳс олиб боришган. Уларнинг 30тасида "Пахтакор" зафар қучган бўлса, 12 беллашувда дуранг натижа қайд этилган. Қаршиликлар эса 11 ўйинда ғалаба қозонишган. Рақиб дарвозасини 78 бор ишғол қилган пойтахтликлар дарвозасидан 47 гол ўтказиб юборган.

Эсатиб ўтамиз, "Пахтакор"ва "Насаф" жамоалари ўртасидаги беллашув 3 ноябрь, жума куни "Пахтакор" стадионида соат 18:15да бошланади.