Макаллистер: "Ҳозирги пайтда ПСЖ — дунёнинг энг яхши жамоаси"

"Ливерпуль" ярим ҳимоячиси Алексис Макаллистер ҳозирги кунда дунёдаги энг кучли жамоа деб кимни ҳисоблашини айтди.

"Менимча, ҳозир ПСЖ дунёнинг энг яхши жамоаси. Уларда ҳамма нарса бор: интизом, ҳаракат, ажойиб ўйин. Мен учун улар — энг кучлилар" — деди аргентиналик футболчи "RMC Sport" нашрига.

Эслатиб ўтамиз, ПСЖ ўтган мавсумда Чемпионлар лигаси, Франция чемпионати ва мамлакат кубогини қўлга киритган эди. Ҳозирда жамоа Клублар ўртасидаги Жаҳон чемпионати–2025 мусобақасида иштирок этмоқда ва чорак финалда "Бавария"га қарши ўйнайди.

Маълумот ўрнида, Луис Энрике бошчилигидаги парижликлар Чемпионлар лигасининг плей-офф босқичида "Ливерпуль"ни мағлуб этиб, турнирдан чиқариб юборган эди.