"Бавария" Мусиаланинг жароҳатидан сўнг "Челси" футболчисига қизиқмоқда

Мюнхеннинг "Бавария" клуби ярим ҳимоячи Жамал Мусиала олган жиддий жароҳат фонида яна "Челси" футболчиси Кристофер Нкунку номзодини кўриб чиқмоқда.

"The Athletic" нашрининг хабарига кўра, немис гранди 27 ёшли француз футболчисининг агенти Пини Захави билан алоқага чиққан.

Қайд этилишича, Нкункуга фақат "Бавария" эмас, балки "Манчестер Юнайтед" ва "Барселона" ҳам қизиқиш билдирмоқда.

Жорий йилнинг январь ойида ҳам мюнхенликлар Нкункуни сотиб олишга уринган, аммо ўшанда улар 70 миллион еврога тайёр эмас эдилар.

Ҳозирча "аристократлар" футболчини ижарага бериш эмас, айнан тўлиқ трансфер асосида сотишни мақсад қилмоқда.