"Месси трансферига доир маълумотларнинг барчаси сохта"

Яқинда Саудия Арабистонининг "Ал-Ахли" клуби Лионель Мессини ўз сафига қўшиб олмоқчи эканлиги ҳақида хабарлар тарқалди.

Бироқ, аргентиналик юлдуз Криштиану Роналду ўйнайдиган лигага бормайди. Бу ҳақда Мессининг биографиясини ёзган машҳур журналист Гилем Балаге ижтимоий тармоқларда маълум қилди.

Балаге Месси ва "Ал-Ахли" ҳақидаги маълумотларни сохта деб атади. Журналистнинг айтишича, 38 ёшли футболчи Саудия Арабистони клублари билан ҳеч қандай алоқада бўлмаган. Балагенинг таъкидлашича, Месси "Интер Майами" билан шартномани узайтириш бўйича музокараларни давом эттирмоқда.

Шунингдек, Гилемнинг таъкидлашича, Месси MLS клуби билан шартномасини узайтиради ва келаси ёз Аргентина миллий терма жамоаси сафида жаҳон чемпионатида иштирок этади.