"Атлетико" аргентиналик хавбекни ўз таркибига қўшиб олишга яқин

Тьяго Альмада "Атлетико"га ўтишга жуда яқин.

ESPN нашрининг хабар беришича, Мадрид клуби ва "Ботафого" ўртасида 24 ёшли ярим ҳимоячининг трансфери бўйича музокаралар якуний босқичга кирган. Футболчининг ўзи ҳам аллақачон трансферга розилик билдирган.

Келишув суммаси 15-20 миллион еврони ташкил этиши кутилмоқда. Томонлар эндиликда бир нечта кичик тафсилотларни ҳал қилишлари керак.

Аввалроқ, ушбу ўйинчига "Зенит" ва "Бенфика" клублари ҳам қизиқиш билдирган эди.