Португалияда Европадаги энг катта стадион қурилиши мумкин

Португалиянинг "Бенфика" клуби Европа қитъасидаги энг катта стадионга эгалик қилиши мумкин. Бу ҳақда The Sun хабар бермоқда.

Манбага кўра, "Бенфика" раҳбариятининг бир қисми 120 минг кишига мўлжалланган янги арена қурилишини талаб қилмоқда. Ҳозирча португал клуби менежерлари жамоанинг ҳозирги стадионида жойларни кўпайтириш вариантларини излашмоқда. "Бенфика" аллақачон "Тоттенхэм" стадионини янгилаш билан шуғулланган "Популоус" архитектура бюроси билан маслаҳатлашувларни бошлаган.

Айни дамда "Бенфика"нинг уй стадиони 68 минг томошабинга мўлжалланган "Эстадио да Луш" ҳисобланади. Европанинг энг катта футбол аренаси "Барселона" ўйнайдиган "Камп Ноу" ҳисобланади. Стадион 99 мингга яқин мухлисни сиғдира олади.