Мюллернинг кейинги манзили АҚШ бўлади

Томас Мюллер фаолитини МЛСда давом эттириши мумкин. 

"Sky Sport" маълумотларига кўра, германиялик ярим ҳимоячи МЛСнинг икки клубидан бирига ўтиши мумкин. Футболчи фаолиятини давом эттириш вариантларидан бири "Бавария"нинг ҳамкори ҳисобланган "Лос-Анжелес" клуби.

Мюллернинг янги клуби яқин 7-10 кун ичида маълум бўлиши кутилмоқда. Томас ўтган мавсум якунида "Бавария"ни эркин агент сифатида тарк этди. Немис футболчи 2000 йилдан бери клуб тизимида бўлиб, 2007 йилда асосий жамоада дебют қилган эди.

Мюнхенликлар сафида ярим ҳимоячи 13 марта Бундеслига ғолибига айланган, 6 марта Германия кубогини қўлга киритган, 8 марта мамлакат Суперкубогини ютган ҳамда 2 мартадан Чемпионлар лигаси, Европа Суперкубоги ва клублар ўртасидаги Жаҳон чемпионатида ғолиб чиққан.