"Арсенал" тўпурар ҳужумчи трансферини ҳал қилди

Лиссабоннинг "Спортинг" клуби швециялик ҳужумчиси Виктор Гьёкереш Лондоннинг "Арсенал" клубига ўтди, дея хабар бермоқда таниқли инсайдер Фабрицио Романо Х ижтимоий тармоғида. Манбага кўра, келишув суммаси 63,5 миллион евро ва бонуслар кўринишида 10 миллион еврони ташкил этади.

Ўтган мавсумда "Спортинг" ҳужумчиси барча мусобақаларда 52 та ўйинда майдонга тушиб, 54 та гол ва 13 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган.

Нуфузли "Трансфермаркт" интернет порталида келтирилган маълумотларга кўра, футболчининг нархи 75 млн еврони ташкил этади.